2010.08.06 Еҫшӗн хавхалантарӗҫ (Ҫамрӑксен хаҫачӗ)

Ҫӗр-шыв Президенчӗ Дмитрий Медведев хушӑвӗпе килӗшӳллӗн Раҫҫей Федерацийӗн Вӗренупе ӑслӑлӑх министерствин сайтне вакансисен списокне кӑларнӑ. Вӗрентекен профессине суйланӑ яшкӗрӗмпе хӗрупраҫ хушма хавхалантару илӗ. Федераци пулӑшӑвне Чӑваш Енре 10 специалист тивӗҫӗ.

Ӑна аслӑ шкултан 2009, 2010 ҫулсенче вӗренсе тухнисем илме пултарӗҫ. Унӑн виҫи 500 пин тенкӗ /2010, 2011 ҫулсен вӗҫӗнче 250шар пин тенкӗ тулӗҫ/. Мӗн пур ыйтӑва вӗрену учрежденийӗсенче татса парӗҫ. Ӗҫе вырнаҫаканпа килӗшӳ тӑвӗҫ. Унта ҫамрӑк специалистӑн шкулта ӗҫлемелли тапхӑра палӑртӗҫ. Унсӑр пуҫне документра субъектра вӗсене ҫуртйӗр ыйтӑвне татса парассинче укҫатенкӗпе пулӑшмаллине каланӑ. Чӑваш Ене Федераци бюджетӗнчен субсидин' пӗрремӗш пайне чук уйӑхӗнче куҫарӗҫ.