2010.08.18 Пуҫламӑш хӑнӑху илеҫҫё (Хыпар)

Юлашки икӗ ҫулта Шӑмӑршӑри вӑтам шкулта парта хушшине пуҫласа ларакансем утмӑлӑн ытла пуҫтарӑ-наҫҫӗ. Кӑҫалхи вӗренӳ ҫулӗнче те виҫӗ класс хушӑнать. Вӗсемпе Ирина Хафизова, Елена Шамеева тата Ирина Михайлова учительницӑсем ӗҫлӗҫ.

Пӗлӳ кунӗ пуҫланиччен вӑхӑт пур-ха. Апла пулин те ачасем пӗрремӗш шӑнкӑрав парасса кӗтмесӗрех икӗ хутлӑ кермене ҫӳреме тытӑнчӗҫ. Опытлӑ педагогсем вӗсене шкул пурнӑҫне тӑрӑшсах хӑнӑхтараҫҫӗ: тимлӗ итлемеллине,тӳрӗ лармаллине,каламаллие ыйтмал-ли тупӑнсан алӑ ҫӗклемеллине, ытти йӗркене ӑнланта-раҫҫӗ. Вулама, шутлама, сӑрлама вӗренмелли самант-сем те пур: Ӑнланмалла ӗнтӗ, «уроксем» хальлӗхе вӑйӑ евӗр иртеҫҫӗ. Ҫакӑн пек хатӗрленӳ тапхӑрӗ пӗлӳ тӗнчи-не пӗрремӗш кунранах кӗме пулӑшӗ.

Н.Ларионов.