2010.03.27 1100 ҫул - вӗрентӳ ӗҫӗнче (Хыпар)

Вӑрнар поселокӗнчи Геральд Тестов ҫитӗнекен ӑрӑва воспитани парас ӗҫре 50 ҫул вӑй хурать. Ӗҫ стажне вӑл Патӑрьел районӗнче пуҫланӑ. Унтан - Вӑрнар районӗнчи Кивӗ Мӗлӗш шкулӗнче. "Халӑх вӗрентӗвӗн отличникӗ" тата "СССР халӑх вӗрентӗвӗн отлич-никӗ" ятсене тивӗҫнӗ.

Геральд Тестов учительсенчен тӑракан хӑйсен йӑх тымарне туса хатӗрленӗ. Ашшӗ енчен - хӗрӗхе яхӑн, амӑшӗ енчен 20 вӗрентекене шутласа тупнӑ. Вӗсен пӗтӗмӗшле педагогика стажӗ - 1100 ҫул. Унӑн амӑшӗ Любовь Степановна тата куккӑшӗ  Михаил  Степанович Чӗмпӗрти учительсен семинарийӗнче  пӗлӳ илнӗ.  Тестовсемпе Евграфовсен династийӗсен кашни учительне асӑнса та пӗтереймӗн. Паянхи кун вӗсенчен 20-мӗшӗ вӗренгу тытӑмӗнче ӗҫлет. Тестовсемпе Евграфовсен хушшинче аслӑ категорилли, правительствӑн пысӑк   наградине,  хисеплӗ   ятнетивӗҫни чылай.

Геральд Семенович пӗрремӗш мӑшӑрӗпе 4 ывӑл ҫитӗнтернӗ. Вӗсем пурте ащшӗ ҫулӗпе кайнӑ. Шел, арӑмӗ пурнӑҫран ытла та ир уйрӑлнӑ. Иккӗмӗш мӑшӑрӗпе те тӑватӑ ачана пурнӑҫ ҫулӗ ҫине тӑратнӑ. Вӗсем те учитель профессине суйланӑ.

Р.ВЛАСОВА.