ЧĂВАШ ЧĔЛХИ КУНĔ иртнĕ пирки

2007 çулхи ака уйăхĕн 24-мĕшĕнче, ытлари кун, 10.00-12.00 сехетре И.Я. Яковлев ячĕллĕ Чăваш патшалăх педагогика университечĕн тĕп корпусĕнчи акт залĕнче чăваш филологи факультечĕ йĕркеленĕ «Сарă кун çĕр-шывĕнче» ятлă программăпа Чăваш чĕлхи кунĕ пулса иртрĕ. Уяв И.Я. Яковлев çуралнăранпа 159-çул тултарнине халалласа иртрĕ, чăваш ача-пăча литератури тĕнчипе çыхăнчĕ.

Уяв хăнисем - Писательсен Союзĕн председателĕн çумĕ Порфирий Афанасьев- чăваш çыравçи, Людмила Сачкова- Чăваш наци конгресĕн членĕ, Виталий Петрович Станьял тата ыт.те. пулчĕç. Вĕсем пĕтĕмĕшле ача-пăча литератури аталанăвĕн çул-йĕрĕ пирки каласа пачĕç, хăйсен хайлавĕсемпе паллаштарчĕç, тĕрлĕ парнесемпе тивĕçтерчĕç.

Килнĕ çынсем калаçнипе килĕшÿллĕн чăваш филологи, психологипе педагогика факультечĕсен студенчĕсем хăйсен пултарулăхне кăтартрĕç-  юрларĕç, ташларĕç, сăвăсем вуларĕç, юмахсем лартса пачĕç. Концерта Шупашкарти 6-мĕш шкул вĕренекенĕсем хутшăнни те илем кÿчĕ. Сцена çинче чăваш чĕлхи, И.Я. Яковлев чĕлхи илемлĕн те çепĕççĕн янăрарĕ, пурне те малалла пурăнма хавхалантарчĕ.