Внимание!
Эта страница из архивного сайта. Информация может быть не актуальной.
Хушамат кашни çын çумне тĕрлĕ майпа çыпăçнă. Пĕрисен ашшĕ е аслашшĕ ятĕнчен пулса кайнă е тăрăхласа панă ятран. Теприсене ĕçне, пултарулăхне кура хушамат тупса панă...
Мана Света тесе чĕнеççĕ. Шыва кĕртнĕ чух Фотина тесе çырнă. Анне Светик-Семицветик тет. Ĕлĕкрех пулсан мана Семицветик е Светина, Фотина Светлана тесе çырма та пултарнă ĕнтĕ.
Юрать-ха эпĕ 21-мĕш ĕмĕрте пурăнатăп. Манăн хушаматăм – Путерова. Мĕнле пулса кайнă-ха вăл?
Мăн асатте халăхран сĕт пуçтарса çÿренĕ иккен. Ăна пуян, паллă çынсене леçсе панă. Çу туса та сутнă. Вăл вăхăтра ку ĕçпе аппаланма чылай йывăртарах пулнă. Çапах мăн асатте хăраса ларман. Килти виçĕ лашапа сĕт пуçтарса çÿренĕ. Çу сутнăран ун çумне Маслов хушамат çыпăçать. Çынсем хутла вĕренме пуçланă вăхăт пулнă. Нимĕçле перкелешекенсем те тупăннă.
Çапла Маслов вырăнне Путеров теме пуçлаççĕ "”Çу нимĕçле – “butter”, сас паллисене çемçетсе каласан – Путеров тухать те".
Хушаматăм яланах ĕçчен, хастар пулма хистет, вăй парать. Вуннăра çеç пулсан та килте атте-аннене пулăшма тăрăшатăп, мĕн хушнине çийĕнчех пурнăçлатăп. Пичче те çавăн пекех маттур.
Чăваш чĕлхеçи, Наум Урхи, пирĕн йăхран тухнă. Вăл çырнă тĕпчев ĕçĕсемпе аслă шкулсенче вĕрентеççĕ.
Çамрăксем те ун пекех пултаруллă та хастар пуласшăн. Владислав Путеров Ехремкасси шкулĕнче 7 класс вĕреннĕ хыççăн Шупашкара каять, физикăпа математикăна тарăнрах вĕренет, Хусанти авиаци институтĕнче аслă пĕлÿ илет. Элĕк район администрацийĕнче компьютерсем вырнаçтарса вĕсен ĕçне йĕркелесе яраканни те вăлах. Унăн шăллĕ те, манăн атте, шкулта информатика вĕрентет. Пурте тăрăшуллă, ĕçчен.
Светлана ПУТЕРОВА
ЧР, Элĕк районĕ, Ехремкасси шкулĕ.
(«Ровесник (Тантăш)», Чувашия)