Внимание!
Эта страница из архивного сайта. Информация может быть не актуальной.
Лайăх пĕлекен çын çинчен çырма çăмăл та, йывăр та. Ытлашши мухтасран е çителĕклĕ уçса параймасран шикленетĕн.
Евгений Шиляев Шупашкарти 59-мĕш шкулта химипе биологи класĕнче пĕлÿ пухать. Ыттисенчен нимĕнпе те уйрăлса тăман качча тантăшĕсем те, кĕçĕнреххисем те хисеплеççĕ. Ахальтен мар ăна кăçалхи вĕренÿ çулĕнче шкул президентне суйларĕç.
Унччен пирĕн патра икĕ çулта пĕрре “суйлав” иртетчĕ, президента 10-мĕшсен хушшинче шыратчĕç. Халĕ çулленех “пуçлăха” улăштаратпăр. Кăçал, сăмахран, 11-мĕш класра вĕренекен ултă ачаран чи тивĕçлине суйларăмăр. Евгений Шиляев чи нумай сасă пухрĕ.
Женя – лайăх вĕренекен, шанчăклă юлташ, чаплă спортсмен. Вăл шкул чысне республика ăмăртăвĕсенче пĕрре мар хÿтĕленĕ, çулленех “Орленок” тата “Зарница” çарпа спорт вăййисене хутшăннă. Шупашкар хулин Мускав районĕнче иртнĕ ăмăртура Женя тĕл перессипе – 1-мĕш, 800 метра чупассипе – 2-мĕш вырăнсем йышăнчĕ. Çак çитĕнÿсенче Владимир Григорьевич Иванов вĕрентекен тÿпи пысăк. Вăл шкулти çарпа спорт мероприятийĕсене йĕркеленĕ-çке, ачасенче патриот туйăмне вăратаканĕ.
Çар тенĕрен, Женя аттестат илнĕ хыççăн Мускаври хăрушсăрлăх службин шкулне каясшăн, çар çынни пуласшăн. Ара, унăн ашшĕ те, пиччĕшĕ те – Тăван çĕр-шыв ывăлĕсем-çке.
Халĕ, президента суйланă хыççăн, пушă вăхăт çукпа пĕрех. Уроксем хыççăн та шкулта юлма тивет. Вĕренÿре ĕлкĕрсе пырайман ачасем валли кружок йĕркелесси – унăн суйлав умĕнхи программин пĕр пайĕччĕ.
Максим ЕФИМОВ
(«МИГ (Самант)», Чувашия)