2007.01.31 Хастар хутшăнчĕç

“Мой край родной” ятлă темăпа вырăсла сочиненисен конкурсĕ иртнине те палăртма кăмăллă. Ачасем хăйсен тăван тавралăхне чăннипех юратнине çырса пама пултарнă. Комисси пĕтĕмлетĕвĕ тăрăх, çак ачасем сертификат илме тивĕçнĕ: 8-мĕш класри Алена Петрова, Лида Храмова, Андрей Воробьев, 7-мĕшĕнчи Алена Пакрушовапа Ирина Илларионова.

“Робинзонада” интеллектуаллă вăйă та хăйне майлă интереслĕ. Кунта вĕренекенсем хăйсем тĕрлĕ станцисенче чарăнса чăваш тата вырăс литературипе, математикăпа, биологипе, географипе, химипе, историпе мĕн пĕлнине кăтартса пачĕç. I-мĕш вырăна 7-мĕшпе 8-мĕш классем тивĕçрĕç, II-мĕш вырăнта – 9-мĕш класс.

“Юмах тĕнчине” конкурс 5-6-мĕшсем хушшинче интереслĕ иртрĕ. Ачасен панă юмах сыпăкĕсен ячĕсене, юмахсенчи сăнарсене пĕлмелле пулчĕ. Юмах нумай вулакан ачасем хăйсен пултарулăхĕпе палăрчĕç. Икĕ класĕ те юмахсене юратни сисĕнчĕ. Юлашкинчен вĕсем юмах лартса парса тĕлĕнтерчĕç. 5-мĕшсем нумайрах очко пухса 6-мĕшсене çĕнтерчĕç. Ку конкурса Г.Г.Алежейкина вожатăй ирттерчĕ.