2007.01.10 Пĕтĕм Раççей конкурсĕн дипломне тивĕçнĕ

Нумаях пулмасть вăл Раççей Вĕрентÿ тата ăслăлăх министерствипе вĕрентÿ енĕпе ĕçлекен федераллă агентство ирттернĕ вĕренекенсен пултарулăх ĕçĕсен Пĕтĕм Раççейри “Моя классная — самая классная!!!” уçă конкурсне хăйĕн пĕрремĕш учительници — Красноармейскинчи пĕтĕмĕшле пĕлÿ паракан 2-мĕш вăтам шкулти Людмила Александровна Голубева çинчен каласа паракан сочинени, презентаци, видеоклип тата видеоматериалсем тăратрĕ. Тăрăшса, çине тăрса хатĕрленĕ вĕсене. Хăйĕн ĕçĕнче Настя яланах шыравçă пулмаллине палăртать. “4 çул хушшинче манăн архивра 27 грамотăпа 3 мухтав хучĕ пухăнчĕ. Кунта юратнă учительница тÿпи те калама çук пысăк”, — хавасланса пĕлтерет хĕр ача сочиненире.

Çĕнĕ çул тата çуралнă кунĕ умĕн вара Настя ырă хыпар илчĕ. Конкурса активлă хутшăннăшăн ăна дипломпа чысланă. Ун çине Раççей Вĕрентÿ тата ăслăлăх министрĕ А. А. Фурсенко алă пуснă. Саламлатпăр, Настя, маттур!