Яковлев вулавĕ

Чăваш Республикин Вĕренỹ  тата çамрăксен политикин министерстви  Иван Яковлевич Яковлев çуралнă кунне çулсеренех паллă тăвать.

Кăçал та Аслă вĕрентекенĕмĕре халалласа ака (апрель)  уйăхĕн 25 -мĕшĕче ăс-хакăлпа сипетлĕх çутĕçĕн ыйтăвĕсемпе Яковлев вулавĕ ирттерме палăртнă. Яковлев вулавĕ Чăваш Республикин вĕренỹ институтĕнче иртет.

Вулав программипе килĕшỹллĕн çак темăсемпе çавра сĕтел ларăвĕсем, пултарулă х мастерскойĕсем ĕçлĕç:

И.Я. Яковлев педагогикин ăс-хакăлпа чунлăх никĕсĕсем;

Чăваш енри ăс-хакăлпа сипетлĕх çутĕçĕн авалхи тымарĕсем тата çĕнĕ туртăмĕсем;

Чăваш чĕлхи - ăс-хакăлпа сипетлĕх  ỹсĕмĕн хăвачĕ;

Музей – тĕрлĕ самана çыхăнăвĕн тĕкĕрĕ.

 Кунсăр пуçне, Яковлев вулавне хатĕрленсе ирттернĕ май çакăн пек ĕçсем пурнăçа кĕрĕç:

Вулав тезисĕсене пичетлесе кăларасси;

Вулава хутшăннисен шутĕнчен  И. Я. Яковлев палăкĕ умне чечексем хума делегаци ярасси;

Электронлă вĕренỹ пособийĕсем хатĕрлесе вĕрентекенсем патне çитересси.