«Чĕвĕлти чĕкеç - чĕлхе пĕлни пурне те кирлĕ!»

Пуçра мĕн чухлĕ шухăш санăн,

Мĕн чухлĕ ĕмĕт халлĕхе,

Сана, ачам, пурне те панă

Чăваш чĕлхи, тăван чĕлхе.

Яков Ухсай

Нарăс уйăхĕн 7 – мĕшĕнче регионсем шайĕнче иртекен „Чĕвĕлти чĕкеç -2013” вăйă конкурс старта тухать.

Конкурс чăваш чĕлхипе кăсăкланакан вĕренекенсене пĕрлештерсе тăрать. Вăйă конкурса 2-11 классенче вĕренекенсем хутшăнма пултараççĕ.

Нарăс уйăхĕн 1 – мĕш тĕлне 20 пин ытла ача вăйăра хутшăнма кăмăл тунă: Чăваш Республикинчен – 19 пин ытла, Тутар Республикинчен – 500 ытла, Пушкăрт Республикинчен  - 43, Самара тăрăхĕнчен - 93, Чĕмпĕр тăрăхĕнчен – 41 вĕренекен.