2010.02.03 "Шкул директорӗ -2010" старт илет (Хыпар)

Пӗтӗмӗшле пӗлӳ паракан вӗрентӳ тытӑмӗ - обще-ство аталанӑвӗн никӗсӗсенчен пӗри. Граждансен ну-май енӗ шкул сакки ҫинче чухне палӑрма тытӑнать, ҫын хӑш профессие суйласа илесси шкулти вӗрентӳ паха-лӑхӗнчен килет. Пахалӑх гарантийӗ, иккӗленӳ ҫук, пӗлӳ ҫуртне еплерех ертсе пынипе тачӑ ҫыхӑннӑ.

Ҫӗршывӑн вӗрентӳ тытӑмӗнче паян тӗрлӗ конкурс иртет. "Шкул директорӗ - 2010" вара - Раҫҫейри вӗрентӳ учрежденийӗсен ертӳҫисем валли йӗркеленӗ пӗрремӗш тупӑшу. Ана чи лайӑх шкулсен ҫитӗнӗвӗсене палӑртас, пултаруллӑ ертӳҫӗсен ӗҫ опытне анлӑ сарас, директор ят-сумне ҫӗклес тӗллевпе йӗркелеҫҫӗ.

Конкурс 2010 ҫулхи кӑрлач-раштав уйӑхӗсенче икӗ тапхӑрпа иртет. Малтанхи - куҫӑмсӑр тапхӑр, тупӑшӑва хутшӑнакансем оргкомитет сайтне хӑйсен ҫитӗнӗвӗсем ҫинчен материалсем вырнаҫтараҫҫӗ. Ҫак ӗҫе ӑнӑҫлӑ пурнӑҫланисене йӗркелӳҫӗсем Мускава йыхравлаҫҫӗ. Иккӗмӗш тапхӑр ҫӗршывӑн тӗп хулинче икӗ куна пы-рать. Унта директорсене тӗрлӗ ӗҫ парса пултарулӑхне тӗрӗслеҫҫӗ.

Конкурс ҫӗнтерӳҫисен йышӗнче "Юратнӑ директора" та палӑртӗҫ. Ӑна халӑх сасӑлавӗпе пӗтӗмлетӗҫ.

И.ИВАНОВА.