2009.12.01 "Хыпар", Пултаруллисемпе мĕнле ĕçлемелле?

Федерацин Атӑлҫи округӗнчи ҫамрӑк ӑсчахсен "Пултаруллӑ ҫамрӑксемпе ӗҫлемелли меслетсене лайӑхлатасси" шкулӗн ӗҫне студентсен ӑслӑлӑх обществисен, ҫамрӑк ӑсчахсен канашӗсен ертуҫисемпе хастарӗсем, аслӑ вӗренӳ заведенийӗсен специалисчӗсем хутшӑннӑ. Вӑл Чӗмпӗр патшалӑх университечӗн спортпа сиплев "Чайка" комплексӗнче иртнӗ. Унта пирӗн ентешсем те пулнӑ. Чи хастаррисене ятхушаматранах   палӑртар:   Чӑваш Республикин ҫамрӑк ӑсчахӗсемпе специалисчӗсен канашӗн представителӗсем Р.Александров /Чӑваш патшалӑх ял хуҫалӑх академийӗ/, М.Архипова /Чӑваш патшалӑх педагогика университечӗ/, Т.Михайлова /Мускав патшалӑх экономика институчӗн Чӑваш Енри филиалӗ/.

Ҫамрӑксем Чӗмпӗр патшалӑх университетне ҫитсе курнӑ, унӑн технопаркӗпе паллашнӑ, аспирант ятне тин ҫеҫ илнисене ыттисемпе    пӗрле    саламланӑ.

Шкул ӗҫне хутшӑннисене пултаруллӑ хӗр-упраҫпа яш-кӗрӗм валли психологи тренингӗсем, социологи ыйтӑмӗсем, семинарсем, мастер-классем, "ҫавра сӗтелсем", инноваци конкурсӗсем мӗнле ирттермеллине ӑнлантарнӑ. Мероприятисене ӗҫлӗ вӑйӑсем евӗрлӗ йӗркеленӗ. Кайран вӗрену программи витӗр тухнӑ ҫамрӑксене пурне те сертификат панӑ.

И.НИКОЛАЕВА