2009.12.04 "Çамрăксен хаçачĕ", Конкурс йыхравлать

НУМАЯХ пулмасть Раҫҫей шайӗнчи "Манӑн тӑван кӗтес" конкурс старт илнӗ. Унӑн пуҫаруҫисем - Раҫҫейри ял ҫамрӑкӗсен канашӗ, РФ Ял хуҫалӑх тата Спортпа ҫамрӑксен политикин министерствисем.

Конкурсӑн тӗп тӗллевӗ ӳсекен ӑрӑвӑн патри-отлӑх туйӑмне вӑйлатассипе, Тӑван ҫӗршыва юратма вӗрентессипе ҫыхӑннӑ. Вӑл ҫак номинацисемпе иртет: "Манӑн савнӑ ялӑн историйӗ", "Ял тӑрӑхӗн сайчӗ", "Пирӗн ҫамрӑк ял". Ӗҫе тӑван тӑрӑхра пурӑнакан ҫамрӑк ҫемьесем, пултаруллӑ

хӗр-упраҫпа яш-кӗрӗм пирки ҫырса пуянлатма юрать. Унсӑр пуҫне "Ял пуласлӑхне шанатпӑр, Раҫҫейпе мухтанатпӑр!" социаллӑ видиореклама хатӗрлекенсен хушшинче те тупӑшу иртӗ.

Йышӑну тапхӑрӗ 2010 ҫулхи нарӑс уйӑхӗн 1-мӗшӗччен тӑсӑлать. Ӗҫсене Мускав хули, Старая Басманная урамӗ, 15 ҫурт адреспа йышӑнаҫҫӗ. Раҫҫейри ял ҫамрӑкӗсен союзӗн сайчӗ: www.rssm.ru. Унта конкурс йӗркипе тӗплӗн паллашма май пур.

Любовь ЗУБОВА.