2009.11.28 "Хыпар", Студотрядсем -аллăра

Нумаях пулмасть Мускавра Пӗтӗм Раҫҫейри ҫамрӑксен "Раҫҫей студентсен отрячӗсем" общество юхӑмӗ слет ирттернӗ. Ӑна студентсен отрячӗсен юхӑмӗ 50 ҫул тултарнине халалланӑ. Мероприятире Чӑваш Ен делегацийӗ те хутшӑннӑ - пурӗ 36-ӑн. Ҫак йышра - студентсен отрячӗсен командир-ӗсемпе комиссарӗсем, регионти штаб ертуҫисем, асӑннӑ юхӑм ветеранӗсем.

Раҫҫейри студентсен ӗҫӗ-хӗлӗ пирки хатӗрленӗ видеосюжетсен конкурсӗнче Чӑваш Енри "Жара" педагогика отрячӗн видеоклипӗ 1-мӗш  вырӑн   йышӑннӑ.

"Студентсен педагогика отрячӗсем" "ҫавра сӗтеле" Чӑваш Ен представителӗсем хатӗрлесе ертсе пынӑ. Паллах, ахальтен мар: пирӗн республика Раҫҫейри педагогика отрячӗсене аталантарас енӗпе тӗрев площадки шутланать. "Ҫавра сӗтел" ӗҫне нумайӑн хутшӑннӑ: 67 регионран   150  ытла  ҫын.

"Раҫҫей студентсен отрячӗсем" пӗрлешӗвӗн Чӑваш Енри уйрӑмӗн ертуҫисене Ю.Алановӑпа Е.Наумовӑна РФ Спорт, туризм тата ҫам-рӑксен политикин министерствин Тав хучӗпе чысланӑ. Ҫак уйрӑмӑн комиссарне В.Сергеевӑна, "Лето нон стоп" тата "Звездный" педагогика отрячӗсен командирӗсене Н.Казаковӑпа Д.Ефимова юхӑмӑн Хисеп  паллипе  наградӑланӑ.

И.БЕЛОВА