Тăван чĕлхемĕр!

Тăван чĕлхемĕр, ĕмĕр сывă пул!

Эпир çĕрте çĕрсен те -эсĕ юл.

Анне чĕлхи. Эс тăванран тăван.

Санран та çывăххи кам пур-ши ман!

 

"Халăхăн ăс-тăнĕпе унăн мĕн пур тĕнче курăмне тăван чĕлхе чун парать. Тăван чĕлхесĕр чăн-чăн пĕлỹ çук",-тенĕ И. Я. Яковлев.

 

Эп чăваш ачи, саватăп

Чĕвĕл-чĕвĕл чĕлхене

Юратап сăвва-юрра та

Купăса та кĕслене

 

                Юрататăп вуламашкăн

                Чăвашла та вырăсла:

                Ик чĕлхе вăл- ик ăс маншăн

                Эп пуласшăн ик ăслах!

 

Ваттисен сăмахĕсем

-Чĕлхепе Атăла та пĕвелеме пулать тенĕ.

-Тăван çĕршывра хĕвел те ăшăрах.

-Тăван çĕршыв - атте-анне çĕршывĕ.

-Тăван çĕршыв сывă пулсан, тăван йăву та пулĕ сан.

-Тăван çĕршыва тăван аннỹне юратнă пек юрат.

 

Чăваш сăмахĕ.

 Вăхăт çитĕ. Чăваш чĕлхи те тимĕр татĕ. Çивĕч пулĕ. Хĕртнĕ хурçă пек пулĕ. Вăхăт çитĕ - чăваш юрри те илтĕнсе кайĕ. Таса пĕлĕте, çут тĕнчене, хĕрлĕ хĕвеле савса юрлĕ вăл. Чăваш юрринче таса пĕлĕт çумĕнчи тăри юрри илтĕнĕ. Чăваш юрринче тинĕс хумĕ шавлă, вăрман чашлĕ, вĕçĕ-хĕррисер улăхсем симĕсленсе выртĕç. Авалхи хуйхă сасси илтĕнмĕ, телей куç умне тухса тăрĕ. Атăл хĕрри тăрăх тĕнче кĕсле сассипе янраса тăрĕ - çакă чăваш юрри пулĕ. Чăваш чĕлхи кăвар пулĕ, хĕрнĕ хурçă пулĕ!

Çеçпĕл Мишши.

 

Эп - чăваш.

Эп - чăваш.   Хам чăваш пулнишĕн манăн савăнас килет. Мĕншĕн тесен эпĕ хăна-вĕрлене тарават, кăмăл-сипетрен сăпайлă, ĕçре лара-тăра пĕлмен, юрра-ташша ухута халăх çынни. Чăвашсене çаксемшĕнех хисеплеççĕ. 

 

 - - -

Эп - чăваш... Чăваш ятне çĕре ỹкерес марччĕ, чăваш мухтавне тата çỹлерех çĕклеме тăрăшакансен йышĕнче пуласчĕ тесе пурăнатăп.

Иван Шухши.

 

 Ваттисен сăмахĕсем.

 Ал-ура - ĕçлеме, ик хăлха - итлеме, пĕр чĕлхе - пуплеме.

Тĕрĕс сăмах ылттăнпа пĕр теççĕ.

Юмахла пĕлмен чĕлхе-çăвар пите хĕретет.

Каланă сăмах - кĕмĕл, каламанни - ылтăн.

Аслати авăтмасăр асамат кĕпер хывмасть.

Сĕткен кĕмен çăкана касма ан васка.

Кашни япалан виçи пур.

Çип çинçе çĕртен татăлать.

Аллу пулмасан хырăм тăранасса ан шан.

Ĕçне кура кашăк шыра.

 

Тупмалли юмахсем.

Çеçен хир варринче ылтăн юпа.

Кĕрхи шывра çуралать, çурхи шывра çухалать.

Мачча çине мерчен сапрăм.

Çунатсăр чавка çурт çумĕнче вак чавать.

Пĕчĕк хуранта тутлă пăтă пиçнĕ.

Çитмĕл хут тăхăннă, пĕрне те çĕлемен.

 Хĕрлĕ хĕрлемес хир чăххине хĕрхенмест.

 

Тупсăмĕсем: çăлтăрсем, пăр, мăйăр, тумлам, купăста, тилĕ, тăрна.